«Դատարկ» ֆոլիկուլների համախտանիշ. morevmankan.am

«Դատարկ» ֆոլիկուլների համախտանիշը հանդիպում է արտամարմնային բեղմնավորման (ԱՄԲ) ժամանակ 1-7% դեպքերում: Այդպես են անվանում ֆոլիկուլներում ձվաբջիջների բացակայությունը:  Այն հանդիպում է ինչպես դրդումից հետո, այդպես էլ բնական ցիկլի ժամանակ:

Հանդիպում է համախտանիշի երկու տեսակ.

Իսկական (հանդիպում է հազվադեպ), երբ անհնար է օվուլյացիայի ինդուկցիայից հետո հասուն ձվաբջիջներով ֆոլիկուլներից ձվաբջիջներ անջատել, անգամ ասպիրացիայի օրը՝ խորիոնային հոնադոտրոպինի  (ԽՀՏ) նորմալ մակարդակի դեպքում:

Կեղծ (հաճախ է հանդիպում), երբ անհնար է ձվաբջիջներ անջատել ԽՀՏ ցածր մակարդակի (<40 Մ/լ) ժամանակ՝ անփույթ ներդրման կամ ԽՀԳ ցածր բիոհասանելիության պատճառով::

Պատճառները

Հնարավոր պատճառը հորմոնալ դիսբալանսն է կամ ձվարանների աշխատանքի խանգարումը. հորմոնների ցածր մակարդակը կամ ռեցեպտորների ոչ ադեքվատ պատասխանը. ֆոլիկուլը չի հասունանում կամ պունկցիայի ժամանակ լինում է դատարկ:

Ռիսկի խումբը

«Դատարկ» ֆոլիկուլների համախտանիշի ռիսկի գործոնները վաղուց են ուսումնասիրվում:  Կա առնվազն երեք գործոն, որոնք նպաստում են այս համախտանիշի առաջացմանը.

Գենետիկ գործոն: Հետազոտություններից մեկի ժամանակ հայտնաբերվել է ձվարանների հորմոնալ ռեցեպտորների աշխատանքը կարգավորող գենի մուտացիա: Դրա արդյունքում ձվարանները չեն արձագանքում հորմոնալ փոփոխություններին և ձվաբջիջը ֆոլիկուլում չի հասունանում: Համախտանիշի պատճառ կարող է լինել նաև քրոմոսոմային մուտացիան:

35 տարեկանն անց կանայք: Խոսքը ձվարանների «ծերացման» մասին է:

Ուղեկցող հիվանդություններ: Առավել հաճախ հանդիպող ռիսկի գործոն է էնդոմետրիոզը:

Ախտորոշումը

Համախտանիշի ախտորոշման համար օգտագործվում է հետևյալ լաբորատոր մեթոդը. դրդման համար դեղորայք ներմուծելուց 36 ժամ անց կնոջ մոտ որոշվում են ԽՀՏ բետա-սուբմիավորները, որոնք նորմայում 110 Մ/մլ են: Եթե արդյունքը ցածր է 10-ից, ապա հավանական է, որ դրդումն անցել է անհաջող, և ֆոլիկուլների պունկցիան անիմաստ է:

Բուժումը

«Դատարկ» ֆոլիկուլների համախտանիշն ընթացիկ ցիկլում բուժել չի կարելի, բայց հնարավոր է այն կանխել հաջորդ դրդման ժամանակ: Արդյունավետ մոտեցումը դեղորայքի փոփոխությունն է, երկու դեղի զուգակցումը կամ դրդման միջոցի ընտրությունը բոլորովին այլ խմբի դեղորայքից: Դեղորայքի հաջորդ ներարկումը կատարվում է առաջինից 36 ժամ անց:

35 տարեկանն անց կանանց համար կանխարգելման մեթոդ է բուֆերային լուծույթով ֆոլիկուլների լվացումը: Լուծույթը ներմուծվում է ձվարանների մեջ` ներարկման ասեղի օգնությամբ: Մեթոդը նվազեցնում է համախտանիշի առաջացման հավանականությունը:

Հարցեր, պատասխաններ, մեկնաբանություններ